جيلي بالفواكه والبسكويت مغطى بالقشطة والشيكولاتة

جيلي بالفواكه والبسكويت مغطى بالقشطة والشيكولاتة
المقادير:

فواكه مشكلة مقطّعة إلى مربعات صغيرة
4 علب جيلي (نوع واحد)
3 علب بسكويت
علبة قشطة
شيكولاتة مبشورة
كأس من الكريمة المخفوقة

الطريقة:
1- هاتي الفاكهة اللي عندك وقطعيها إلى مكعبات صغيرة، وبعد كده رصيها في الأطباق اللي هتقدمي فيها.

2- فضي محتويات علب الجيلي في إناء كبير فيه 3 أكواب من الميّة المغلية على نار متوسطة الحرارة مع التقليب المستمر لمدة عشر دقائق، أو لغاية ما تلاقي إن الجيلي بدأ يتقل، وبعد كده صبي شوية جيلي فوق الفاكهة.

3- بعد كده هاتي البسكويت ورصيه فوق الفاكهة والجيلي، بعد كده صبي باقي الجيلي فوق البسكويت، بعد كده حطي الطبق ده في الثلاجة لمدة 4 ساعات أو لغاية ما الجيلي يتجمد.

4- هاتي علبة القشطة وعلبة الكريمة واخلطيهم مع بعض كويس، وطلعي الطبق من الثلاجة، وادهني وشه بخليط الكريمة والقشطة، وبعد كده رجعيه الثلاجة تاني لمدة ساعة.

5- بعد ما تلاقيه جمد خرجيه من الثلاجة وحطي على وش الطبق شوية فاكهة أو شوية شوكولاتة مبشورة.

جيلي بالفواكه والبسكويت مغطى بالقشطة والشيكولاتة Untitled

» كيك بالفواكه المجففة
» بسكويت الكراميل والشيكولاتة
» طريقة عمل البسبوسة بالقشطة
» عصير الليمون والنعناع بالقشطة