اتقي شر الحليم اذا غضب

بسم الله الرحمن الرحيم

في مقولة كلنا عارفينها بتقول :

اتقي شر الحليم اذا غضب

لكن هو دة بس يعني اللي المفروض نتقي شره؟؟؟؟

والله انا شفت ان في شخصيات معينة لازم نتقي شرها برضو في لحظات معينة

علشان كدة انا طورت الحكمة شوية لتشمل 6 لازم نخاف منهم في الوقت دة

.....اتقي شر.....

1- الحليم اذا غضب
2-السكير اذا شرب
3-السفية اذا رَهِب
4-الحقير اذا رغب
5-العميد اذا كره
6-الامير الشرة

اسمحولي نبتدى نفسرهم مع بعض واحد واحد:

1-الحليم اذا غضب ودي كلنا عارفينها وموضوع الهدوء الذي يسبق العاصفة وكل الكلام الجميل دة

2-السكير اذا شرب ودة بيبقي غايب عقله عنه تماما وممكن شيطانه يصورله انه يعمل اي حاجة

3-السفية اذا رهب وده بيكون انسان عقله ضعيف و رد فعله بيكون دايما بيكون غير متوقع فممكن ياذي اي حد من غير ما يقصد

4-الحقير اذا رغب ودة بيكون انسان معندوش ضمير ممكن يعمل اي حاجة علشان يوصل لهدفه حتي لو داس علي اقرب ما ليه

5-العميد اذا كره والعميد هنا هو الانسان المحب بشدة فلو حصل وكره حبيبه ممكن يفكر في الانتقام وبيكون انتقامه صعب جدا لو مسيطرش علي نفسه كويس

6-الامير الشرة ودة بيكون اصعب واحد فيهم كلهم لان نظام الحكم بيبقي مبني علي مبدأ ماكيفللي الشهير ودة بيخلي الامير لو كان شرة فان شهيته للحكم والسلطة والفلوس بتكون صعبة جدا ومبتنتهيش وهو عمره ما بيشبع


**********************************************************************************


سبحان الله وبحمده سبحان الله العظيم
سبحان الله وبحمده عدد خلقه ورضا نفسه وزنة عرشة ومداد كلماته
اللهم اغفر للمؤمنين والمؤمنات الاحياء منهم والاموات
اللهم ارحم موتانا وموتى المسلمين
اللهم اصلح حالنا وحال المسلمين

والصلاة والسلام على سيدنا محمد وعلى اله وصحبه اجمعين ومن تبعهم باحسان الى يوم الدين.

قال رجلٌ من السلف : لا إله إلا الله عدد ما كان ، وعدد ما يكون ، وعدد الحركات والسكون
وبعد مرور سنةٍ كاملة قالها مرةً أخرى فقالت الملائكة : إننا لم ننتهي من كتابة حسنات السنة الماضية